BOHLAHLOBI BA SEMOLAO BA DITJHANKANE
KANTORO YA MOAHLODI YA HLAHLOBANG
MOKOTLA WA PORAEFETE WA X9177
FONOFONO: 421 1012/3/4/5
FEKESE: 418 1069
Poso ya E:
Bohlahlobi ba Semolao ba Ditjhankane keng?
Ke kantoro e ikemetseng e thehuweng ho latela Molao wa Ditshebeletso tsa Tlhabollo ya Batshwaruwa, wa 111 wa 1998, e tlasa taolo ya Moahlodi ya Hlahlobang.
Sepheo sa Bohlahlobi ba Semolao ba Ditjhankane?
Sepheo sa Bohlahlobi ba Semolao ba Ditjhankane ke ho tsamaisa tlhahlobo ya ditjhankane hore Moahlodi ya Hlahlobang a ka fana ka tlaleho ka tshwaro ya batshwaruwa ditjhankaneng le maemo a ditjhankane.
Ho thehwa ha Bohlahlobi ba Semolao ba Ditjhankane?
Bohlahlobi bo na le diyuniti tse nne, Bahlahlobi ba sebetsanang le bohlahlobi le diphuputso, Yuniti ya Ditshebeletso tsa Semolao e sebetsanang le ditletlebo tsa batshwaruwa, Yuniti ya Moeti ya Ikemetseng wa Ditjhankane (MID) e sebetsang ka ho thonngwa le tsamaiso e akaretsang ya BID le Yuniti ya Tsamaiso e sebetsanang le ditjhelete, thepa le tsamaiso ya mehlodi ya thuso. Diyuniti di ikarabella ho Molaodi, Mong. Gideon Morris.
Moahlodi ya Hlahlobang ke mang?
Mohlomphehi Mong. Moahlodi JJ Fagan o ile a thonngwa ke Moporesidente wa Afrika Borwa jwalo ka Moahlodi ya Hlahlobang wa Ditjhankane, ho latela Molao wa Ditshebeletso tsa Tlhabollo ya Batshwaruwa ho tloha ka la 1 Mmesa 2000.
Mesebetsi ya Moahlodi ya Hlahlobang ke efe?
Ho hlahloba kapa ho hlophisetsa tlhahlobo ya ditjhankane hore ho tle ho fanwe ka pehelo ya tshwaro ka hara ditjhankane le maemo ka hara ditjhankane.
Ho amohela le ho sebetsana le ditletlebo tsa batshwaruwa tse kentsweng ke Lekgotla la Naha la Ditshebeletso tsa Ditjhankane, Letona, Mokomeshenara, kapa Komiti ya Baeti le moo tlhokeho e le e potlakileng ka Moeti ya Ikemetseng wa Ditjhankane.
Ho fana ka pehelo e mabapi le tlhahlobo ho Letona le ho batho ba bang bao Moahlodi ya Hlahlobang a nahanang hore ba loketse ho e fumantshwa.
Ho fana ka pehelo ya selemo ka seng ho Moporesidente le Letona.
Ho tshwara kapa ho hlophisetsa hore diphuputso di tshwarwe ditjhankaneng mme moo ho hlokehang ho tshwarwe dikopano le setjhaba.
Moahlodi ya Hlahlobang o tshwara ditlhahlobo ka mokgwa o jwang?
Moahlodi ya Hlahlobang o thonya Bahlahlobi kapa bathusi ba ikgethang ho tshwara ditlhahlobo ho latela tlhokeho ya tsona.
Baeti ba Ikemetseng ba Ditjhankane ke bomang?
BID ke ditho tsa setjhaba sa rona bao, ka mora ho etsa kgweletso ya ho thonya mabitso setjhabeng, di thonngwang ditjhankaneng tsa rona.
Ditletlebo tsa batshwaruwa di sebetswa jwang?
Motshwaruwa ka mong o na le tokelo ya ho hlahisa tletlebo ho Hlooho ya Tjhankane, e tlang ho lokela ho rekota tletlebo e jwalo, ho sebetsana le yona le ho tsebisa motshwaruwa ka sephetho sa yona.
Ha motshwaruwa a sa kgotsofala ke karabo, a ka lebisa tletlebo e jwalo ho MID, kapa moo ho se nang MID, a e lebisa ho Moahlodi ya Hlahlobang.
Mesebetsi ya Baeti ba Ikemetseng ba Ditjhankane (BID) ke ofe?
Ho sebetsana le ditletlebo tsa batshwaruwa ka ho etela le ho tshwara dipuisano kgafetsa le batshwaruwa, boinotshing ha ho hlokeha.
Ho buisana ka ditletlebo le Hlooho ya Tjhankane ka maikemisetso a ho rarolla mathata ka hare.
Ho fetisetsa tletlebo e sa kang ya fumanelwa tharollo Komiting ya Baeti, kapa moo ho se nang komiti e jwalo, ho Moahlodi ya Hlahlobang.
Ho fana ka dipehelo ho Moahlodi ya Hlahlobang; tse kenyelletsang bolelele ba nako ya diketelo, lenane le mofuta wa ditletlebo tse rarollotsweng le lenane le mofuta wa ditletlebo tse fetiseditsweng Komiting ya Baeti e loketseng.
Ho ka ikopanngwa jwang le Moeti ya Ikemetseng wa Ditjhankane?
Baeti ba Ikemetseng ba Ditjhankane ba ile ba thonngwa ditjhankaneng tse ngata ho tsamaisa tharollo ya ditletlebo tsa batshwaruwa. Batshwaruwa ba lokela ho kopa Hlooho ya Tjhankane ha ba batla ho bonana le MID.
Ditletlebo tse sa rarollwang ke Komiti ya Baeti?
Ditletlebo tse sa rarollwang ke Dikomiti tsa Baeti di sebetswa ke Kantoro ya Moahlodi ya Hlahlobang. Diqeto tse etswang ke Kantoro ya Moahlodi ya Hlahlobang ke tsa ho qetela.
Ke mofuta ofe wa tletlebo oo Moahlodi ya Hlahlobang a nang le matla a ho sebetsana le tsona?
Ditletlebo tse mabapi le maemo tjhankaneng kapa tshwaro ya batshwaruwa ka hara tjhankane. Sena ha se kenyelletse, ho tea mohlala, ditletlebo tse mabapi le dintlha tse amanang le ho kwallwa kapa ho ahlolwa le ho tlolwa ha ditokelo ka ntle ho tjhankane.
Moahlodi ya Hlahlobang a ka fihlellwa jwang?
Ditletlebo tsa batshwaruwa di lokela ho lebiswa ho Moahlodi ya Hlahlobang ka BID.
Ditletlebo tse ding di ka kenngwa ho Moahlodi ya Hlahlobang, haholoholo ka lengolo, ho:
Bohlahlobi ba Semolao ba Ditjhankane
Kantoro ya Moahlodi ya Hlahlobang
Mokotla wa Poraefete X9177
Fonofono; 421 1012/3/4
Fekese: 418 1069
Bula leqephe la rona la web ho:
